Një shqiptar është arrestuar në Itali me 8 kg kokainë. Mësohet se shqiptari 49-vjeçar u kap fillimisht me gjysmë kile kokainë në makinë. Por nuk mbaroi me kaq, pasi nga kontrolli i shtëpisë dolën edhe 7.5 kilogramë kokainë të tjera si dhe 60 mijë euro cash.
Në kuadër të aktiviteteve për luftimin e trafikut të drogës, karabinierët e kompanisë Busto Arsizio kanë intensifikuar shërbimet e tyre në Castellanza edhe pas denoncimeve të shumta nga qytetarët. I arrestuari në përfundim të formaliteteve u dërgua në burgun e Bustos.
