Bill Gates bashkëthemeluesi i Microsoft ka paralajmëruar një tjetër krizë me të cilën sipas tij pritet të përballet bota. Në një intervistë të fundit me BBC, gazetari britanik Amol Rajan e pyeti Gates se cili ishte në këndvështrimin e tij kërcënimi i madh në të ardhmen me të cilin përballet njerëzimi dhe për të cilin ne nuk po mendonim mjaftueshëm.
“Bioterrori dhe pandemitë janë njësoj, sepse ato e ekspozojnë njerëzimin ndaj sëmundjeve të rrezikshme dhe madje vdekjeprurëse,“-thotë Gates. Qendrat e Shteteve të Bashkuara për Kontrollin dhe Parandalimin e Sëmundjeve (CDC) thonë se nëse do të ndodhte një sulm bioterrorist, me shumë gjasa do të përfshinte bakteret që shkaktojnë antraksin, një sëmundje që mund t’i sëmurë rëndë njerëzit dhe kafshët.
Simptomat ndryshojnë në varësi të mënyrës se si bakteret hyjnë në trup – zakonisht përmes lëkurës, mushkërive ose sistemit gastrointestinal – gjë që përcakton gjithashtu llojin e sëmundjes.
Çfarë është VEXAS? Gjithçka që duhet të dini për sindromën e sapozbuluar që po përhapet në SHBA
Simptomat për antraksin e lëkurës, lloji më i zakonshëm, mund të përfshijnë një grup flluskash të vogla ose gunga që mund të kruhen, si dhe plagë të lëkurës pa dhimbje me një qendër të zezë që shfaqet më shpesh në fytyrë, qafë, krahë ose dorë. Antraksi është përdorur tashmë në të kaluarën. Në vitin 2001, antraksi pluhur u vendos qëllimisht në letrat e dërguara përmes sistemit postar të SHBA./euronews
