Topi i Artë i vitit 2022 shkoi për Karim Benzema i cili arriti një fitore të thellë ndaj vendit të dytë që ishte Sadio Mane me 356 pikë prapa.Të hënën e kaluar, tapeti i kuq i Theatre du Chatelet në Paris pa shumë kampionë të futbollit që parakalonin në pasarelë, shumë elegantë me shoqërueset e tyre apo anëtarët e tjerë të familjes.
Të gjithë të akredituar rregullisht për të marrë pjesë në një nga evenimentet sportive më të pritura të vitit. Të ishe atje do të thoshte të ishe pjesë e një elite të vogël, përveçse të hiqje dorë nga ajo siç bënë Leo Messi dhe Cristiano Ronaldo, të cilët refuzuan të ishin pjesë e ceremonisë.
Ndryshe nga ata, dikush tjetër me të vërtetë bëri gjithçka për të qenë i pranishëm dhe në fund e bëri këtë, duke dokumentuar gjithçka në një video që në YouTube arriti në qindra mijëra shikime. Një punonjës i quajtur Roman, pjesë ‘Les Inachevés’, një faqe satirike në YouTube arriti të depërtonte në Theatre du Chatelet. Një sfidë të cilën ai e realizoi duke qëndruar 26 orë i fshehur në një nga banjot e godinës, gjithçka filmuar me kamerë të fshehtë dhe më pas të dokumentuara në video.
Plani i Romain dhe miqve të tij filloi shumë përpara se të fillonte ceremonia: grupi shkoi një ditë më parë për të ndjekur një shfaqje kërcimi që u zhvillua në të njëjtin teatër. Katër hynë, tre u larguan: anëtari i zhdukur u fsheh në tualet. Që nga ai moment, për të nisi një pritje sa rraskapitëse, e dokumentuar me videoklipe ku flet me zë të ulët.
Bashkëpunëtorët e tij kishin vendosur një tabelë jashtë banjës ku shkruhej “WC jashtë funksionit, mos e përdorni”, por kishte raste kur Romain vërtet kishte frikë se ndonjë person i sigurimit ose pastrimit do ta gjente.
Në fund, megjithatë, ai ia doli mbanë dhe pak para se të fillonte ceremonia u largua nga vendi i tij për të hyrë fshehurazi në teatër dhe për të parë kurorëzimin e Benzemas dhe fituesve të tjerë: “Nuk mund të flisja dhe isha shumë i frikësuar, por ishte e pabesueshme.”
Padyshim që nuk mund të mungonte fotoja duke pozuar me Topin e Artë. Për të qenë i paftuar, atij nuk i mungonte asgjë…
