Dy shqiptarë dhe një italian kanë përfiutar nga ulja e dënimit në Itali. Lecceprima shkruan se gjykata e Kasacionit në Itali ka ulur dënimet e dhëna në apel për tre prej të pandehurve të përfshirë në operacionin “Taxisist” të kryer nga drejtoria antimafia e qarkut Leçe në 2019, operacion që përfundoi me 12 të arrestuar.
Mësohet se dy shqiptarët janë Bledar Bajramaj dhe Feim Lamaj me banim në provincën e Pistoias. Ata ishin dënuar me 20 vjet burgim nga gjykata e Shkallës së Parë dhe ajo e shkallës së dytë. Dënimi i tretë është ai i Salvatore Circelli, 30 vjeç nga Lizzano, në provincën e Tarantos, i cili ishte dënuar nëntë vjet e 4 muaj në Apel.
Hetimi kishte të bënte me trafikun e drogës, të importuar nga Holanda dhe Shqipëria, për tu shitur më pas në sheshet e Leçes, Brindisit dhe Tarantos dhe përfundoi në dhjetor 2019 me 12 arrestime.
