Në konkursin ndërkombëtar të bukurisë, Miss Universe 2023, përfaqësuesja e Ukrainës shprehu krenarinë për kombin e saj nëpërmjet kostumit.
Viktoria Apanasenko tha se veshja e saj përfaqëson “forcën e brendshme të ukrainasve” teksa lufta me Rusinë vazhdon. Kostumi ka krahë mekanikë me gjatësi që arrin deri në 5 metra. Bukuroshja e veshi kostumin e “luftëtares së dritës” gjatë raundit të garës për veshjen kombëtare.
Me një shpatë që e vringëllinte në dorë, veshja e Apanasenko u frymëzua nga kryeengjëlli Mikael, ruajtësi i ushtarëve dhe padron i Kievit.
Konkurrentet e tjera gjithashtu përcollën qëndrimet e tyre politike gjatë parakalimit në skenë.
Përfaqsuesja e Islandës zgjodhi çështjen e ndryshimeve klimatike. Disa konkurrente mbajtën kostume të bëra nga materiale të riciklueshme.
