Komisioni i Pavarur i Kualifikimit, KPK shpalli të premten më 25 nëntor vendimin për konfirmimin në detyre të gjyqtares së Gjykatës së Rrethit Gjyqësor Tiranë, Armela Hasantari. Vendimmarrja nga trupa e KPK e kryesuar nga Genta Tafa Bungo, me relator Lulzim Hamitajn dhe anëtare Valbona Sanxhaktarin ishte unanime.
Gjatë seancës dëgjimore më 23 nëntor, nuk u evidentuan probleme në asnjë prej kritereve te rivlerësimit. Hasantari shprehu dakordësinë për hetimin e Komisionit dhe kërkoi konfirmimin në detyrë.
Armela Hasantari përfundoi studimet në Shkollën e Magjistraturës në vitin 2015 dhe në 2016-ën u emërua si gjyqtare pranë Gjykatës së Rrethit Gjyqësor Tiranë, ku dhe e ushtron funksionin aktualisht.
