Gjykata e Durrësit ka vendosur sot masën “arrest me burg” duke e lënë në qeli shoferin e autobusit ku u gjetën 522 mijë euro të padeklaruara, Elidon Çelën.
Shuma e parave u gjet në tavanin e autobusit që po vinte nga Bari, Itali.
Ndërsa, D. K., 36 vjeç, banues në Tiranë dhe A. C., 32 vjeç, banues në Elbasan, ndihmësit e drejtuesit të autobusit janë lënë të lirë nga gjykata.
Para hetuesve, shoferi Çela deklaroi se paratë janë kursime të familjes.
“Janë të ardhura të krijuara nga biznesi në Itali. Jam i gatshëm t’iu vë në dispozicion edhe faturat.” tha ai.
