“Lamtumira” e fundit ish-mbretit Kostandin i është drejtuar nga familja e tij si dhe anëtarë të familjeve mbretërore, në një ceremoni të kryer nga kryepeshkopi i Athinës Hieronymos pak para orës 16:00 në Tatoi. Ceremonia, me kërkesë të familjes, u zhvillua larg kamerave.
Menjëherë pas orës 16:00 të ftuarit nisën të largoheshin nga vendi i varrimit. Më parë, djemtë e tij, Pavlos, Nikolaos, Filippos dhe nipërit e tij e mbanin arkivolin me trupin e tij mbi supe, si në rrugën nga makina e varrimit në kapelën e Ngjalljes, ashtu edhe nga kapelja në vendin ku ndodhen varret mbretërore.
Brenda kapelës u mbajt një trisayo, ndërsa anëtarët e familjes së ish-mbretit u gjunjëzuan në fund të ceremonisë. Pak më herët, “lamtumirën” e fundit i ka dhënë motra e tij, Irene, mbreti i Spanjës Felipe dhe bashkëshortja e tij Letizia, Mbreti i Nderit i Spanjës, Juan Carlos i cili mbërriti i mbështetur nga vajzat e tij.
