Një lloj droge ngjyrë rozë, po ‘pushton’ klubet britanike pasi u kontrabandua në Mbretërinë e Bashkuar përmes karteleve kolumbiane. Mediat e huaja raportojnë se, droga e cila është një përzierje e ketaminës dhe MDMA-së u zbulua për herë të parë në festivalet në Mbretërinë e Bashkuar vitin e kaluar. Ekspertët kanë paralajmëruar se mund të përmbajë një përzierje potencialisht vdekjeprurëse të ‘mbetjeve të tregtarëve’, e cila mund të shkaktojë probleme në shikim, sulm paniku, ankth dhe problemeve të zemrës.
“Është thjesht një drogë argëtuese, e përsosur për festivale. Dikur ishte shumë e vështirë për t’u marrë në dorë, por tani është më e lehtë për t’u gjetur, kështu që të gjithë janë të prirur të kenë një thithje dhe të shohin se si është”, tha një përdorues.
Kokaina rozë, e njohur edhe si ‘Tuci’, ‘2cb’ ose ‘Rosada’ është gjetur tashmë në Mançester, në një festival në Lincolnshire rurale. Ai e ka origjinën nga qyteti kolumbian i Medellin, ku ka zhanrin e vet të muzikës Gauracha dhe është i lidhur me tregtinë e seksit. Fillimisht përmbante gjurmë të drogës halucinogjene ‘2cb’, e njohur tek hipitë në vitet 1970. Por tani ajo ka evoluar në përzierje drogërash dhe është përshkruar në Amerikën e Jugut si “shumë mijëvjeçare” dhe “Coca-Cola e drogës”.
Testimi në Analizimin dhe Shkëmbimin e Njohurive të Mançesterit zbuloi se tufat e gjetura në qytet përmbanin kokainë, ketaminë dhe MDMA, më të njohura si Ekstazi.
