Reagimet pasojnë njëra-tjetrën pas informacionit të bërë publik këtë të mërkurë nga programi i SER ‘Qué t’hi jugues’, në të cilin detajohej se Barcelona i ka paguar 1.4 milionë ish-arbitrit Enriquez Negreira nëpërmjet një prej kompanive të tij dhe se tani prokuroria ishte duke e hetuar atë, si pasojë e disa parregullsive të kësaj kompanie me thesarin.
Pasi Barcelona lëshoi një deklaratë dhe presidenti i saj, Joan Laporta, bëri të qartë qëndrimin e klubit për këtë çështje, duke theksuar se “ky informacion nuk del rastësisht në këtë momenet”, ka qenë Komiteti Teknik i gjyqtarëve që ka dashur të japë mendimin e tij, duke marrë parasysh që Enriquez Negreira ishte një nga nënkryetarët e saj.
KTA ka dashur të distancohet nga çdo lidhje me faktet e denoncuara përmes deklaratës së mëposhtme :
“Në lidhje me informacionin e publikuar në orët e fundit për ish-zv.presidentin e CTA, José María Enríquez Negreira:
KTSH dëshiron të bëjë të qartë se zoti Enríquez Negreira nuk është pjesë e asnjë strukture federale që nga ndryshimi i qeverisë pas zgjedhjeve të 2018-ës.
Komiteti Teknik i gjyqtarëve shpreh keqardhje për sjelljet që mund të shkelin etikën e ekipit. Asnjë arbitër aktiv ose anëtar i organeve të CTA nuk mund të kryejë ndonjë punë që ka gjasa të hyjë në një konflikt interesi.
KRRT-ja vihet në dispozicion të Drejtësisë për të ofruar bashkëpunimin maksimal në çdo lloj informacioni që mund të ofrojë ky Komitet”.
