Mafia shqiptare ka prezencë të lartë në Meksikë! Kështu raporton sërish media meksikane ‘El Universal’, e cila citon se shqiptarët po investojnë me paratë e krimit në kazino dhe në baste.
‘Aktualisht mafia shqiptare ka prezencë në vendin tonë dhe është e lidhur me CS dhe CJNG, për pastrim parash. Investimi i saj është i fokusuar, ndër aktivitete të tjera, në kazino dhe bastesh.’– shkruhet në artikull.
Kush është CJNG? Ky është Karteli i Gjeneratës së Re Jalisco, i njohur më parë si Los Mata Zeta. Ata janë është një grup kriminal gjysmë militarizuar meksikan me bazë në Jalisco i cili drejtohet nga Nemesio Oseguera Cervantes (“El Mencho”), një nga bosët e drogës më të kërkuar në botë.
Ata vijojnë më tej, duke shtuar: Mafia shqiptare karakterizohet nga gjaknxehtësia dhe me përgatitje ushtarake, pozicioni i saj gjeografik është strategjik, ata dominojnë rrugën mijëravjeçare ballkanike.
Autoritetet vendase shkruajnë se nuk duhet lejuar që këto grupe mafioze ndërkombëtare të vendosen në territor dhe të vazhdojnë të financojnë veprimtarinë kriminale të grupeve kriminale vendase, pasi në atë masë dhuna dhe krimi do të rritet.
Kartelet meksikane që prodhojnë dhe tregtojnë marihuanë dhe transportojnë kokainën në Kolumbi, kryesisht nga Meksika në Shtetet e Bashkuara. Mirëpo, El Universal shkruan se këto kartele janë shumë larg grupeve kriminale që tani menaxhojnë tregun transnacional të drogës. Tregu i ri kriminal i përbërë nga droga sintetike, metamfetamina dhe fentanil tashmë kanë zhvendosur tregun tradicional të drogës në mesin e amerikanëve veriorë dhe kanë filluar të depërtojnë te të varurit në mbarë botën.
Antonio María Costa, Drejtor Ekzekutiv i UNODC-së ka deklaruar se krimi i organizuar është bërë global dhe ka marrë përmasa makroekonomike. Ai shton se mafiat janë bërë një problem transnacional, duke minuar qeverisjen e duke fuqizuar ata që veprojnë kundër ligjit.
“Krimi i organizuar është diversifikuar, është bërë global dhe ka arritur përmasa makroekonomike: mallrat e paligjshme vijnë nga një kontinent dhe trafikohen në një tjetër dhe tregtohen në një të tretë. Mafiat janë vërtet një problem transnacional sot: një kërcënim sigurie, veçanërisht në vendet e varfra dhe konfliktuale, krimi po nxit korrupsionin, po depërton në biznes dhe politikë dhe po pengon zhvillimin. Po minon qeverisjen duke fuqizuar ata që veprojnë jashtë ligjit”.
Kjo nuk është hera e parë që media meksikane ‘El Universal’ shkruan për mafian shqiptare. Një muaj më parë, kjo media deklaroi në një shkrim të gjatë se “Sinaloa Cartel” është aleante me mafian shqiptare. Sipas medias meksikane tentakulat e karteleve meksikane, si Sinaloa që drejtohet nga Ismael El Mayo Zambada, kanë mbërritur tashmë në vendet ballkanike të Evropës Lindore, ku kanë gjetur tokë pjellore për të pastruar paratë e aktiviteteve të tyre të paligjshme. Ata identifikuan se El Mayo kishte krijuar lidhje me vëllezërit Luftar, Arben, Fatos dhe Ramiz Hysa, një grup kriminal shqiptar që është vënë në shënjestër nga autoritetet financiare për aktivitetin e parregullt të rëndësishëm ekonomik të regjistruar në sektorët e turizmit dhe kazinove në të dy vendet, Meksikë dhe Shqipëri. ‘EL UNIVERSAL’, shkroi se katër shqiptarët zotërojnë një rrjet kazinosh dhe biznesesh në Sonora, Baja California dhe Quintana Roo në të cilat pastrojnë miliona dollarë nga krimi i organizuar, së bashku me avokatë. Përveç kësaj, ata investojnë shuma të mëdha parash në Shqipëri për t’i pastruar ato, në investime të fokusuara në aktivitetet e lojërave të fatit dhe në fushën e turizmit. / EL Universal
Marre nga Dosj.al