Tetë refugjatë kanë humbur jetën tragjikisht teksa lundronin në një anije në Mesdheun qendror, pasi mjeti i lundrimit është përmbytur, ku mes personave të vdekur raportohet se ishte edhe një grua shtatzënë dhe një foshnjë katër muajshe. Rojet bregdetare italiane sollën në breg 42 të mbijetuar. Nuk dihet ende nëse ka viktima të tjera.
Mediat e huaja raportojnë se shërbimet e shpëtimit ndërhynë në rajonin e Kërkimit dhe Shpëtimit (SAR) të Maltës për të ndihmuar anijen e vogël. Trupat e dy personave janë ende të zhdukur.
Ekipet e shpëtimit gjetën pasagjerët, të cilët kishin hipur në varkën gjashtë metra të gjatë në qytetin tunizian Sfax herët të shtunën, të lagur mes të ftohtit ekstrem pas disa ditësh në det. Të mbijetuarit thanë se një grua po udhëtonte me foshnjën e saj katër muajshe, e cila vdiq gjatë udhëtimit. Ajo e futi trupin e foshnjës në det para se edhe ajo të vdiste nga të ftohtit dhe uria.
Prokurorët në qytetin Agrigento sicilian kanë nisur një hetim për ngjarjen. Varka ishte 67 km (42 milje) nga Lampedusa, ku ishte nisur. Ishulli i vogël është përballur me ardhjen e qindra refugjatëve dhe emigrantëve, me Mannino. Kryebashkiaku i bëri thirrje të enjten kryeministres Giorgia Meloni, duke kërkuar mbështetjen e qeverisë për të menaxhuar “këtë tragjedi të madhe”.