Protestuesit kanë hedhur shashka, tymuese e molotov në drejtim të Kryeministrisë, duke ndezur flakë në shkallët e institucionit. Sulmi ndaj kryeministrisë ka nisur sapo kreu i Partisë Demokratike Sali Berisha përfundoi fjalimin para turmës, ndërsa njoftoi që edhe të hënën do të kishte një tjetër protestë para Parlamentit të Shqipërisë.
Por megjithatë tymueset janë fikur shumë shpejt me fikëse zjarri nga efektivët e Policisë së Shtetit që ishin reshtuar në kordon para Kryeministrisë.
