Deputetët e Partisë Socialiste kërkojnë përjashtimin me nga 10 ditë nga seancat plenare dhe nga komisionet për 6 deputetë të PD-së. Në një kërkesë drejtuar kryetares së Kuvendit, Lindita Nikollës, deputetët e PS-së kërkojnë që deputeti Edmond Spaho të përjashtohet për 20 ditë.
PS kërkon përjashtimin e:
-Edmond Spaho
-Elda Hoti
-Sorina Koti
-Oerd Bylykbashi
-Lindita Metaliaj
-Gerta Bardelin
Deputetët e PS deklarojnë se Spaho, Koti, Bylykbashi, Metaliaj dhe Bardeli penguan vijimin e seancës plenare duke krijuar kaos e duke bllokuar foltoren. Sipas tyre, Spaho përdori mjete zhurmuese duke mos lejuar që të dëgjoheshin deputetët e tjerë.
Në kërkesë thuhet se Spaho në koordinim me Hotin dhe deputetët e tjerë hoqën pajisjen e mikrofonit nga foltorja duke krijuar zhurmë.
