Rikthimi i sportistëve dhe rusë dhe bjellorusë në garat ndërkombëtare është vënë në tryezën e negociatave, pasi viti 2023 është një vit paraolimpik. Shumica e anëtarëve të Komitetit Olimpik Ndërkombëtar dhe veçanërisht presidenti i tij, Thomas Bach, thuhet se janë në favor të një rikthimi, por drita jeshile duhet të jepet në atë mënyrë që ngjarja e Parisit të mos kërcënohet me mungesa…
Bojkoti i vendeve perëndimore në Lojërat Olimpike të Moskës (1980), ishte arsyeja e përfundimit të parakohshëm të karrierës së tij olimpike si atlet. Presidenti i IOC-së, i cili e ka përmendur shpesh në intervistat e tij për sportistët, të cilëve për shkak të bojkotit iu hoq ëndrra olimpike, ka nisur një sërë konsultimesh për të gjetur raportin e artë. Diskutimet e para u zhvilluan mes anëtarëve të Komiteteve Olimpike dhe më pas një telekonferencë me kryetarët e federatave. Dje, Bach, foli me kryetarët e komiteteve dhe më pas u zhvillua një video-konferencë me përfaqësues të sportistëve. Çështja e kthimit ose jo të sportistëve rusë dhe bjellorusë, do të jetë një nga pikat kryesore në axhendën e Komitetit Ekzekutiv të IOC-s, e cila do të mbahet me telekonferencë më 15 shkurt.
Deri tani duket se shumica është pro kthimit të sportistëve të vendeve të bllokuara, por me status neutral, pra pa flamujt dhe himnet e tyre kombëtare. Bach nuk e fshehu shqetësimin e tij se kthimi mund të shtyjë disa vende të bojkotojnë Lojërat Olimpike. Natyrisht, nga ana tjetër, ekziston rreziku që vendet mike të afërta me Rusinë ta bojkotojnë ngjarjen. Ky është një nga ekuacionet më të vështira që do t’i kërkohet të zgjidhë në mandatin e tij të fundit si president i IOC-s.
