Presidenti i SpaceX ka deklaruar se kompania ka ndërmarrë hapa për të parandaluar forcat ukrainase të përdorin teknologjinë kritike satelitore Starlink me dronët ukrainas që janë një komponent kyç i luftës së tyre kundër Rusisë, shkruajnë mediat e huaja.
“Ka gjëra që ne mund të bëjmë për të kufizuar aftësinë e tyre. Megjithatë, ukrainasit e kanë përdorur atë në mënyra që ishin të paqëllimshme dhe jo pjesë e ndonjë marrëveshjeje.” u tha Gwynne Shotwell gazetarëve të mërkurën, duke iu referuar raporteve mbi Starlink dhe përdorimin e dronëve.
Pranimi i Shotwell se SpaceX, i cili u themelua nga Elon Musk, i ka penguar ushtarët ukrainas të përdorin plotësisht teknologjinë, konfirmon besimin e kahershëm se Musk dhe kompania nuk janë të qetë me përdorimin ushtarak të Ukrainës të Starlink. Duke folur më pas me gazetarët, Shotwell argumentoi se Starlink kishte dërguar njësi në Ukrainë për të mbajtur në punë bankat, spitalet, për të mbajtur familjet të lidhura.
