Ish-kryebashkiaku socialist i Kukësit, Safet Gjici, i cili ra në pranga ditën e shtunë me kërkesë të SPAK, do të dalë sot para Gjykatës së Posaçme, ku do t’i caktohet masa e sigurisë. •Sot ka mbërritur në ambientet e GJKKO edhe Alma Kaçi, e cila ishte në video-skandalin me Gjicin.
Alma pritet të njihet me masën e sigurisë ‘arrest shtëpie’.
Pavarësisht se fillimisht SPAK nisi hetimet kryesisht në lidhje me akuzën “Shpërdorim detyre” pas publikimit të videoskandalit, për Gjicin është rënduar akuza “Korrupsion pasiv” parashikuar nga neni 260 i Kodit Penal, pasi në videon e plotë të publikuar dilte në pah biseda e tij me gruan me të cilën kryente marrëdhënie, për një tender për sterilizimin e qenve.
Ndërkohë, Gjici me këtë akuzë rrezikon deri në 7 vite burg, por se kjo varet nga ajo se si do të shkojë çështja ndaj tij.