Myrto Uzuni gjen sërish rrjetën në Spanjë me Granadën. Në ndeshjen që skuadra e tij po luan në transfertë ndaj Albacete sulmuesi beratas shënoi në minutën e 30-të teksa sigloi golin numër 20-të të sezonit pa lënë mënjanë edhe tre asiste. 27-vjeçari konfirmon sezonin e tij më të mirë në karrierë duke lëshuar një sinjal pozitiv edhe para grumbullimit me kombëtaren për ndeshjen kualifikuese ndaj Polonisë.
Uzuni është shndërruar në një lider të Granadës këtë sezon duke marrë përdore skuadrën drejt objektivit për t’u ringjitur në elitë. Aktualisht, Granada renditet në vendin e dytë të kampionatit me 58 pikë dhe me Uzunin si lider duket në rrugë të mbarë për t’ia dalë.
