Zbardhet dëshmia e 38-vjeçarit shqiptar i cili vrau pak ditë më parë në Greqi një 47-vjeçari të njohur si “amerikani”.
Sipas mediave greke ai është shprehur se viktima i kishte shitur kokainë të prishur dhe e kishte dërguar më pas në spital.
Autori akuzohet për vrasjen e ndodhur në datën 29 Janar në Kalamatë. Tashmë pritet që gjykata të marrë vendimin ndaj tij pas rrëfimit të ngjarjes së rëndë.
Policia ka arrestuar edhe bashkëpunëtorin 22-vjeçar, ndërkohë që dy shtetas grekë po hetohen nga autoritete për dëshmi të rreme në lidhje me këtë ngjarje.
