I ati i vajzës së dhunuar seksualisht në kavajë ka reaguar me një thirrje për mediat dhe poltikanët që mos të merren më me historinë e vajzës së tij. Deklaratat u bënë gjatë vizitës së Ministres Spiropali në banesën e ti në kavajë.
“Nëse do më lejoni, i bëj thirrje mediave, në qoftë se jam plagosur njëherë, ju lutem mos më plagosni për së dyti. Unë kam mbyllur çdo ekran televizori, çdo ekran Facebook-u, prandaj ju lutem me shpirt të gjithë mediave, keni fëmijë vetë. Mos ju raftë ky rast kurrë asnjërit, por do t’ju lutem, mbylleni njëherë e përgjithmonë këtë problem. Më lejoni ta përballoj me forcat e mia dhe me njerëzit e mi, që më kanë mbështetur dhe do të më mbështesin deri në fund. Mos e paçi këtë risk kurrë, kjo që më ndodhi mua të jetë e para dhe e fundit në Republikën e Shqipërisë.
Ai vlerësoi vajzën e tij si me kurajë dhe shumë inteligjente dhe uroj që ngjarja mos ti ndodh askujt.
“Kjo që më ndodhi mua i uroj të gjithë shqiptarëve që të mos i ndodhë asnjërit, por të jetë një mësim jashtëzakonisht i veçantë për të gjithë prindërit e Republikës së Shqipërisë, t’i këshillojnë fëmijët, si djemtë apo edhe vajzat. Falenderim të veçantë, i jam shumë mirënjohës Agjencisë Shtetërore për Mbrojtjen e Fëmijëve, sepse më kanë mbështetur në takimet me psikologët, vajza ka marrë kontakte me psikologët, po kështu edhe me ndihmën e madhe të Ministres së Shëndetësisë. Si vajza ime, edhe si shumë të tjerë, i uroj mbarësi në jetë, sepse kam një vajzë inteligjente, me nota shumë të mira. Kam një vajzë që ka një kurajë, që nuk mund ta përshkruaj edhe unë si prind”.
https://www.facebook.com/sosnewsalbania/videos/2113250832318681/