Një aksident është regjistruar në aksin rrugor Thumanë-Borizanë në Krujë ku një 70 vjeçar është përplasur nga makina.
Sipas policisë, i moshuari ka përfunduar në spital, ndërsa shoferi i mjetit është shoqëruar në ambientet e Komisariatit.
Njoftimi i plotë:
Krujë/Informacion paraprak
Rreth orës 17:15, në aksin rrugor Thumanë-Borizanë, Krujë, një automjet me drejtues shtetasin A. S., 37 vjeç, ka përplasur shtetasin këmbësor A. X., 70 vjeç, i cili ndodhet nën kujdesin e mjekëve jashtë rrezikut për jetën.
Drejtuesi i automjetit shtetasi A. S, është shoqëruar në ambjentet e Komisariatit të Policisë Krujë për veprime të mëtejshme.
Grupi hetimor ndodhet në vendngjarje dhe po punon për sqarimin e rrethanave të aksidentit.
