Një aksident ka ndodhur pak pas mesnate në rrugën që lidh Talën me superstradën Lezhë-Milot, në vendin e quajtur ‘Ura e Prekanit’. Raportohet se në aksident janë përfshirë dy automjete e për pasojë kanë mbetur të plagosur 2 persona. Këta të fundit ngelën të bllokuar për disa minuta në makinë dhe për nxjerrjen e tyre u desh ndërhyrja e zjarrfikësve.
Dy të plagosurit janë dërguar për ndihme mjekësore në spitalin e Traumës ku mësohet se gjendja e tyre është e rëndë.
