Një 32-vjeçar nga Kosova është arrestuar nga policia në Portin e Durrësit. I riu, i identifikuar me inicialet A.K. u vendos në prangat e Policisë së Shtetit pasi tentoi të dalë nga Shqipëria, me një leje qëndrimi në shtetin francez, të dyshuar të falsifikuar, e cila u sekuestrua në cilësinë e provës materiale.
NJOFTIMI I PLOTË:
Port Durrës
Arrestohet në flagrancë një 32-vjeçar kosovar, pasi tentoi të kalonte kufirin me një leje qëndrimi false. Procedohet penalisht edhe një 26-vjeçar, për veprën penale “Kalimi i paligjshëm i kufirit shtetëror”. Shërbimet e Policisë Kufitare të PKK Port Durrës, bazuar në analizën e riskut, kanë intensifikuar kontrollet, me qëllim parandalimin, evidentimin dhe goditjen e paligjshmërive në kufi. Si rezultat, janë konstatuar 2 raste në këtë fushë, për të cilat: -është arrestuar në flagrancë shtetasi A. K., 32 vjeç, banues në Kosovë, pasi ka tentuar të dalë nga vendi ynë, me një leje qëndrimi në shtetin francez, të dyshuar të falsifikuar, e cila u sekuestrua në cilësinë e provës materiale; -janë referuar materialet në Prokurori ku nisi procedimi në gjendje të lirë për shtetasin A. M., 26 vjeç, banues në Berat, pasi dyshohet se ka kaluar kufirin, në kundërshtim me ligjin. Materialet procedurale i kaluan Prokurorisë, për veprime të mëtejshme.
