Një 23-vjeçar është arrestuar ditën e sotme në Përmet dy persona të ndryshme penale. Gjatë kontrollit të policisë në makinën që po udhëtonte i riu janë gjetur kanabis si dhe 2 aparate celulare për baste sportive. Po ashtu është proceduar penalisht dhe një person tjetër i cili ndodhej me 23-vjeçarin e arrestuar.
Njoftimi policisë:
Përmet Goditet 1 rast i organizimit të lojërave të fatit, në kundërshtim me ligjin, në kuadër të operacionit policor të koduar “Fati i lojërave”. Iu gjetën në automjet, 2 aparate celulare me programe për baste sportive dhe një sasi e vogël kanabisi, vihet në pranga 1 shtetas, procedohet në gjendje të lirë 1 tjetër. Shërbimet e Komisariatit të Policisë Përmet, në bashkëpunim me Seksionin për Hetimin e Trafiqeve të Paligjshme dhe Narkotikëve, në kuadër të planit operacional “Fati i lojërave”, arrestuan në flagrancë shtetasin K. H., 23 vjeç, banues në Përmet, si dhe nisi procedimi në gjendje të lirë për shtetasin G. R., 23 vjeç, banues në Përmet. Shtetasve K. H. dhe G. R. iu janë gjetur një sasi e vogël lënde e dyshuar narkotike kanabis dhe 2 aparate celulare me programe për vënien e basteve sportive online. Materialet në ngarkim të shtetasve të mësipërm i kaluan Prokurorisë pranë Gjykatës së Rrethit Gjyqësor Përmet, për veprime të mëtejshme.
