Një baba i gjashtë fëmijëve në Filadelfia, SHBA, i cili kaloi 25 vjet burg për krime që nuk i kreu, vdiq pasi u qëllua me armë duke marrë pjesë në një funeral.
Sipas Daily Mail, Christopher Williams, 62 vjeç, u vra teksa merrte pjesë në funeralin e një të burgosuri të premten pasdite, vetëm 22 muaj pasi u lirua nga burgu dhe para se të merrte një pagesë shumë milionëshe.
Williams u dënua për gjashtë vrasje, por u lirua pas 25 vitesh burg, kur akuza e fundit për vrasjen u hoq për shkak se provat e reja të “sjelljes së pahijshme të prokurorisë” dolën në dritë.
Williams po merrte pjesë në funeralin e mikut të tij Tyree Little në Filadelfia, dhe ndërsa ai doli nga makina e tij, ai u qëllua një herë në kokë. Ai u dërgua me urgjencë në Spitalin Universitar Temple, ku u shpall i vdekur.
Në dhjetor 2021, ai ngriti një padi kundër ish-prokurores së qarkut Lynne Abraham, prokurorit të gjyqit David Desiderio dhe 17 oficerëve të policisë, duke kërkuar dëmshpërblim miliona dollarësh.
Ai u lirua pasi çështja e tij u rishqyrtua dhe u gjetën dëshmitarë të rremë, sjellje të pahijshme të prokurorisë dhe prova të fshehta shfajësuese.
“Asnjëherë në historinë e sistemit të drejtësisë të Pensilvanisë askush nuk është akuzuar për gjashtë vrasje, dy të liruara dhe më pas për katër të tjera”, tha Williams kur u lirua.
Pas lirimit të tij, Williams punoi si marangoz dhe synoi të hapte kompaninë e tij të ndërtimit. Deri më tani, autoritetet nuk kanë bërë asnjë arrestim për vrasjen e Williams, i cili kaloi nga 29 deri në 61 vjet në burg.