Detaje të reja janë zbuluar lidhur me ekzekutimin e dy shqiptarëve Kreshnik Çerçizaj dhe Armando Organaja në Athinë. Sipas mediave greke, ekzekutimi i tyre lidhet me vrasjen e biznesmenit nga Saranda, Edmond Papa i cili u qëllua me 9 plumba pistolete pranë një lokali në zonën e Selitës. Sipas autoriteteve, vrasja e dyfishtë ishte një “mesazh”.
Gjithashtu, vlen të theksohet se autoritetet shqiptare raportuan se pak ditë më parë humbi një ngarkesë prej 700 kg hashash, për të cilën ishte përgjegjës biznesmeni i vrarë në Tiranë. Pista kryesore ku po hetohet nga policia greke, është ajo e ‘luftës’ për trafikun e drogës, por për Papën po hetohet se ka edhe një lidhje mes tij dhe vrasjes së Aleksandër Sadikajt, i cili u ekzekutua me tritol në makinë.
