“I forti” i Shijakut kapet me armë dhe makinë të blinduar

Emiljan Gjipali 34 vjeç është arrestuar nga policia e Durrësit, në vijim të operacionit të koduar “Streha”.
Specialistët e Seksionit për Hetimin e Narkotikëve në Drejtorinë Vendore të Policisë Durrës, më datë 16 qershor të këtij viti në banesën e vëllait të tij S.Gjepali 43 vjeç, sekuestruan kokainë, municione luftarake dhe 5 armë të llojeve pistoletë dhe automatik.
U sekuestruan:
• 4 qese të mbushura me një sasi pluhuri me ngjyrë të bardhë e dyshuar me lëndë narkotike e llojit Kokainë, të futura në një kavanoz; rreth 150 gr.
• një peshore elektronike me mbishkrimin “LAICA”;
• Dy armë zjarri automatik, model 56 kal 7.62 mm;
• një armë zjarri pistolet tip “COLT’USA;
• Një armë gjahu e markës “BERETTA”, kal 12 mm;
• Një pistoletë sportive, tip Super Conter;
• 264 fishekë luftarakë mob 56, kal 7.62 mm;
• 95 fishekë mod 54, kal 7.62 mm;
• 7 fishekë pistolete, kal 45;
• 65 fishekë për armë gjahu, kal 12 mm;
• dy krehera automatiku, mod 56;
• Një automjet tip Benz, i blinduar.