Banorët e një lagjeje në Unazën Lindore, në zonën e Shkozës janë zgjuar ditën e sotme nga fadromat dhe mjetet e IKMT dhe policisë pasi banesat e tyre preken nga projekti i “Unazës së Re”.
Ndërkohë, banorët janë përplasur fizikisht me forcat e policisë pasi kundërshtojnë urdhrin e IKMT për prishjen e banesave, ndërsa ka pasur edhe ndërhyrje të FNSH për të siguruar ndërhyrjen.
Pronari i një banese që rrezikon shembjen, Andrea Suli deklaroi se shtëpia e tij është ndërtuar në vitin 1996, ndërsa ai ka aplikaur për procesin e legalizimit prej kohësh por përgjigjja e marrë para 2 javësh ka qenë negative.
Sipas raportimit të gazetarit Marjus Merhori banorët nuk kanë problem me prishjen e banesave, por ata kërkojnë një kontratë ose bonus qeraje për t’u larguar.
Megjithatë, forcat e policisë kanë siguruar perimetrin pranë banesave, ndërsa fadroma e IKMT është bërë gati për të nisur procesin e shembjes./Balkanweb
