Kristian Lacuku 31- vjeç është arrestuar sot nga policia në Shkodër. Bëhet me dije se 31- vjeçari ishte në kërkim për trafik droge dhe mbajtje pa leje të armëve dhe armëve shpërthyese. Në banesën e tij më 2016 u gjetën 12 kg kanabis, një armë zjarri dhe municion luftarak.
Lacuku pritet të përballet me akuzën për këto vepra penale ku do të vuajë dënimin me 4 vjet dhe 8 muaj burg të vendosur më 4 shkurt të këtij viti nga Gjykata eApelit në Shkodër.
NJOFTIMI I PLOTË:
Shërbimet e Komisariatit të Policisë Shkodër, të mbështetura nga inteligjenca informative, mbi vendndodhjen e një shtetasi të kërkuar, menjëherë kanë organizuar punën, kanë lokalizuar, kapur dhe vënë në pranga shtetasin e shpallur në kërkim:
-Kristian Lacuku, 31 vjeç, banues në fshatin Berdicë, Shkodër.
Gjykata e Apelit Shkodër, me vendimin e datës 04.02.2022, e ka dënuar 31-vjeçarin, me 4 vjet e 8 muaj burgim, për veprat penale “Prodhimi dhe shitja e narkotikëve”, kryer në bashkëpunim dhe “Mbajtja pa leje e armëve, armëve shpërthyese dhe e municionit”.
Në kuadër të operacionit “Neë start”, të zhvilluar në vitin 2016, në banesat e shtetasve Kristian Lacuku dhe F. T. (ende në kërkim nga shërbimet e Policisë), u gjetën dhe u sekuestruan rreth 12 kg lëndë narkotike kanabis, një armë zjarri dhe municion luftarak.
Materialet i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.
