Krimi i dyfishtë tronditi Shkodrën e kësaj here shënjestër ishin një ish efektiv policie dhe bashkëjetuesja e tij.
Boran Bërçana dhe Silvi Ndoci u ekzekutuan mëngjesin e kësaj të diele brenda automjetit të tyre fare pranë shtëpisë në sy të djalit 2 vjecar. Fatmirësisht fëmija i mitur u gjet i pa prekur ndonëse në vendngjarje policia mblodhi mbi 20 gëzhoja.
Sipas hetuesve Boran Bërcana, 30 vjeç, ish-punonjës i Policisë së Shtetit në Pukë ishte larguar nga uniformat blu pak para nisje së vetingut ndërsa bashkëjetuesja e tij ka qenë më parë e martuar por ishte ndarë.
Viktimat u gjetën nga banorët në orën 6 të mëngjesit në vendin e quajtur Rruga e gjere ne lagjen Naim Gjylbegu të Shkodrës.
Hetuesit dyshojnë se ccdo lëvizje 30 dhe 24 vjecares ka qenë e kontrolluar deri në shtëpinë e tyre.
Mësohet se Berçana dhe Ndoci ktheheshin nga një darkë e para se të dilnin nga automjeti u qëlluan me breshëri automatiku.
Për fat të mirë, foshnja që ndodhej në vendin e pasagjerit përpara, në prehrin e gruas së vrarë, shpëtoi nga plumbat dhe u dërgua në spital ku ndodhet nën kujdesin e mjekëve.
Sipas ekspertëve të policisë , autorët dyshohet të jenë të paktën dy persona, ndërsa bëhet fjalë për një krim të kryer nga profesionistë të cilët kanë zhdukur cdo gjurmë apo dëshmitar.
Pak kilomtera më tutje në hyrje të qytetit në by-pass u gjet një makinë e djegur dhe policia dyshon se ky është mjeti që kanë përdorur ekzekutorët.
Për krimin e dyfishtë policia shoqëroi disa persona ndërsa në zonë u sekuestruan kamerat e sigurisë së disa bizneseve .
