Autoritetet policore Kolumbiane të pajisura me armë në duar duke vrapuar drejt banesave në provincat Kolumbiane ku u arrestua shqiptari 37- vjeçar Artur Rrapaj nga Fieri, këto janë pamjet që vijnë nga mega-operacioni i zhvilluar sot në Kolumbi ku u vu në pranga dhe trafikanti i shumëkërkuar Wilmer Sanchez Farfan. Siç shihet edhe në videon e mëposhtme, policia kolumbiane nis aksionin duke hyrë nga dera me kangjella ngjyrë kafe të larta, oborri me pishinë e murale me simbolin e tigrit ishte kjo banesa ku u gjet shqiptari Artur Rrapaj pjesë e kartelit ‘Nueva Generacion Ekuador’ që drejtohej nga Sanchez, trafikanti më i madh i Ekuadorit që kërkohej nga SHBA-ja. Policia ka mësyrë duke shkatërruar dyert e banesës, ndërsa në fund shfaqen pamjet e arrestimit të ‘maces’ siç njihet ndryshe me nofkën trafikanti ekuadorian i cili furnizonte me drogë edhe grupin e famshëm ‘Sinaloa’. Në fund të videos shihet edhe shqiptari i veshur me xhaketë të zezë dhe duart në xhepa.
Arrestimi i Artur Rrapaj
Artur Rrapaj 37 vjeç nga Fieri është arrestuar sot në Kolumbi në kuadër të një megaoperacioni të zhvilluar nga autoritetet kolumbiane në bashkëpunim me ato Ekuadoriale, për arrestimin e një prej trafiknatëve më të mëdhenj të Ekuadorit, ëilmer Emiliano Sanchez Farfano i cili ndryshe njihej me nofkën ‘Macja’. Mediat vendase raportojnë se Rrapaj është arrestuar gjatë bastisjes së tre banesave në provincën bregdetare të Guayas dhe një në provincën veriore të Andeve të Imbabura. Rrapaj dyshohet se është pjesë e kartelit të vetëquajtur ‘Nueva Generacion Ekuador’ që drejtohej nga trafikanti i shumëkërkuar nga Shtetet e Bashkuara të Amerikës ëilmer Sanchez Farfan. Në banesën ku është kapur 37- vjeçari janë sekuestruar 319 mijë dollarë, telefona satelitorë dhe pajisje GPS, ndërsa në Imbabura është bastisur një kala me dyer të blinduara ku u gjetën katër kasaforta me 90 mijë dollarë. 37-vjeçari nga Fieri ka precedentë penale edhe në Shqipëri. Zëvendës Komandanti i Përgjithshëm i Policisë Kombëtare të Ekuadorit, Manuel Iníguez doli sot në një konferencë për shtyp lidhur me operacionin e zhvilluar ditën e sotme ku deklaroi se trafikanti Sanchez ishte arrestuar në fillim në vitin 2013 dhe kaloi kohë në burg derisa u lirua përsëri.
