Pas Lushnjës, edhe Fushë Kruja është tronditur nga një shpërthim me tritol. Ngjarja ka ndodhur mbrëmjen e sotme (1 nëntor), ndërsa nuk raportohet për të lënduar, por vetëm dëme materiale.
Mësohet se shpërthimi ka ndodhur në një banesë në lagjen Zallë.
Fushë Krujë/Informacion paraprak
Rreth orës 22:40, në lagjen “Magaze”, Fushë Krujë, në oborrin e banesës së shtetasit M. B., 54 vjeç, ka shpërthyer një sasi e vogël e dyshuar lëndë plasëse, duke shkaktuar dëme të vogla materiale.
Grupi hetimor ndodhet në vendngjarje dhe po punon për sqarimin e rrethanave të ngjarjes, me qëllim identifikimin dhe kapjen e autorit/ëve.
Më herët policia e Lushnjes njoftoi se “rreth orës 22:25, në lagjen “18 Tetori” në oborrin e banesës së shtetases L. L., 75 vjeçe, ka shpërthyer lëndë e dyshuar plasëse, duke shkaktuar dëme materiale”
