Policia ka vënë në pranga shoferin 27-vjeçar, i cili përplasi me makinën e efektivit të policisë Agron Saba, i cili ndërroi jetë. I riu do të hetohet për veprën penale “Shkelja e rregullave të qarkullimit rrugor”.
NJOFTIMI I POLICISË:
Në vijim të informacionit paraprak të dhënë mbrëmjen e djeshme, në lidhje me një aksident rrugor, në aksin rrugor “Patos-Fier”, specialistët e Sektorit të Qarkullimit Rrugor të DVP Fier arrestuan në flagrancë shtetasin G. H., 27 vjeç, banues në Patos, për veprën penale “Shkelja e rregullave të qarkullimit rrugor”, pasi ka aksidentuar, me pasojë vdekjen, shtetasin A. S. (punonjës policie në Stacionin e Policisë Patos).
