Një aksident i rëndë është shënuar ditën e sotme në Vlorë. Mësohet se një 70- vjeçar është rrëzuar nga kati i katër i shtëpisë, teksa ishte duke rregulluar antenën e televizorit.
I moshuari i identifikuar me emrin Petriot Tozaj është transportuar në gjendje të rëndë në spital, ku po merr ndihmë mjekësore. 70- vjeçari kishte hipur për të rregulluar antenën e televizorit, por aksidentalisht ka rënë në tokë. Ngjarja e rëndë ka ndodhur në lagjen “Kushtrimi” në Vlorë. Pritet që të merren në pyetje të afërmit, për të zbardhur rrethanat e aksidentit.
