4 persona janë vendosur në pranga në Brindisi të Italisë, pasi dyshohet se drejtonin një grup që merrej me trafikun e drogës. Por në total ishin 21 persona të dyshuar. Sipas mediave italiane, hetimet lidhur me çështjen kishin nisur që në shkurt të vitit 2019 dhe nisi nga deklarimet e një bashkëpunëtori të drejtësisë, i cili u arrestua për fajde dhe shpërndarje droge.
e buron nga deklarimet e një bashkëpunëtor të drejtësisë, në lidhje me episodet e fajdeve dhe shpërndarjes së drogës në qytet. Sipas aktakuzës, në krye do të ishin dy të dyshuar nga rrethi Tuturano. Gjatë hetimeve, në flagrancë u arrestuan 7 persona, u sekuestruan 3.5 kilogramë kokainë, 2 armë gjahu të prera dhe një shumë e madhe parash.
“Aktiviteti bëri të mundur edhe hipotezimin e lidhjeve të ngushta të dy promotorëve të shoqatës me personalitete të shquara dhe përfaqësues të zonave të lokacioneve të ndryshme në provincën e Brindisit dhe Leçes. Ka bërë të mundur gjurmimin e subjekteve që besohet se ishin të afërt me dy promotorët e dyshuar të shoqatës, të cilët do t’i kishin ndihmuar në tregtimin e drogës. Babai i të dyve besohet të jetë kujdestari i parave të gatshme,”- sqarojnë karabinierët.
Dy kontaktet e supozuara të Brindisit do të ishin furnizuar me kokainë kryesisht duke shfrytëzuar kanalin shqiptar nëpërmjet dërgesave të parave, gjithmonë në të njëjtën mënyrë, tek shoferët shqiptarë të autobusëve, të cilët do t’i kishin transportuar paratë në Shqipëri. Gjithashtu rezultoi se dorëzimi i drogës tek dy vëllezërit bëhej në një zonë shërbimi të pashfrytëzuar, me kamionë të ardhur nga jashtë.
