Organizata e Kombeve të Bashkuara ka publikuar raportin e ri për prodhimin global të kokainës. Pas pandemisë së COVID19 dhe bllokimeve, kërkesa ka arritur në nivele rekord, dhe se midis vitit 2021 dhe 2022, kultivimi është rritur me 35%. Qendrat e reja të trafikut janë në Afrikën Perëndimore dhe atë Qendrore.
Raporti ka zbuluar se trafikantët po përdornin më shpesh shërbimet postare ndërkombëtare për të çuar drogën te konsumatorët.
Evropa dhe Amerika e Veriut janë tregjet më të mëdha për kokainën, e ndjekur nga Amerika e Jugut dhe Qendrore dhe Karaibet. Sipas OKB, tregjet në Afrikë dhe Azi janë “ende të kufizuara”,por potenciali që tregu të zgjerohet atje është një realitet i rrezikshëm.
Rritja e prodhimit ishte rezultat i një zgjerimi në kultivimin e shkurreve të kokainës, si dhe përmirësimeve në konvertimin e kokainës në kokainë pluhur.
“Të dhënat sugjerojnë roli i Afrikës, veçanërisht Afrikës Perëndimore dhe Qendrore, si një zonë tranziti për kokainën në rrugën e saj drejt tregjeve në Evropë është rritur ndjeshëm që nga viti 2019. Si sasia totale e sekuestruar në Afrikë dhe numri i konfiskimeve të mëdha duket se kanë arritur nivele rekord gjatë vitit 2021.”
Në Mbretërinë e Bashkuar, raporti thotë se ka pasur një “rritje të konsiderueshme” të konfiskimeve të kokainës në “mënyrat e shpejta të paketave dhe postës”.
Në raport thuhet po ashtu se Kolumbia ende dominon rrugët e trafikimit, megjithëse shtigjet për në Evropë kanë evoluar. Konsumi në Australi arriti kulmin në mesin e vitit 2020, ra me 50% vitin e ardhshëm dhe u rrit “mesatarisht” në muajt e fundit të 2021.
Të tjera gjetje nga raporti janë:
Grupet kriminale meksikane dhe ballkanike janë afruar më pranë qendrës së prodhimit për të fituar akses në furnizime
Përdorimi i kokainës krak është në trend rritës në disa vende të Evropës Perëndimore, duke përfshirë Britaninë e Madhe, Belgjikën, Francën dhe Spanjën.
Në Ukrainë, tregu ishte zgjeruar, por që nga pushtimi i Rusisë shkurtin e kaluar kërkesa është ndërprerë në mënyrë drastike.
