Të shtëna me armë zjarri janë raportuar këtë mbrëmje në Shkodër.
Nga informacionet paraprake mësohet se një mjet në lëvizje ka qëlluar me armë drejt një mjeti të parkuar. Ngjarja ka ndodhur në lagjen “Prek Cali” në Shkodër.
Burime të sosnews.al bëjnë me dije se objektiv i sulmit ka qenë automjeti tip “wolkswagen”.
Deri më tani nuk raportohet për persona të lënduar, ndërsa nga të shtënat me armë zjarri është dëmrtuar një automjet tjetër.
Policia mësohet se ka rrethuar zonën dhe ka nisur hetimet për zbardhjen e kësaj ngjarje.
