Policia e Shkodrës ka vijuar punën për parandalimin, evidentimin dhe goditjen e rasteve të gjuetisë së paligjshme.
Pas shkeljes së ligjit “Për shpalljen e moratoriumit të gjuetisë në Republikën e Shqipërisë”, Policia ka marrë informacion se në vendin e quajtur Sektor, Velipojë, tre shtetas kryenin gjueti të paligjshme.
Shërbimet e policisë në bashkëpunim me Inspektorët e Drejtorisë së zonave të mbrojtura, kanë konstatuar këto shtetas, ku dhe ju bë bllokimi i armëve të gjahut, dhe u ndëshkuan me masë administrative.
Shërbimet e policisë edhe në ditët në vijim do të vazhdojnë punën për zbatimin e ligjit “Për shpalljen e moratoriumit të gjuetisë në Republikën e Shqipërisë” dhe ndëshkimin e tyre me masë administrative.sosnews.al
