Një 19-vjeçar është arrestuar sot nga policia rrugore pasi aksidentoi të miturin dhe u largua nga vendi i ngjarjes.
Arrestimi i Kejvin Bliu, 19 vjeç, banues në Tiranë u krye pasi, më datë 18.09.2017, rreth orës 11:00, në bulevardin “Gjergj Fishta”, duke drejtuar mjetin tip “Benz” ka përplasur motorrin tip “Piaggo” me drejtues shtetasin e mitur me iniciale A. B., 14 vjeç dhe është larguar nga vendi i ngjarjes, ku më pas është ndaluar dhe arrestuar nga policia rrugore.
Materialet iu referuan Prokurorisë së Tiranës për veprat penale “Shkelja e rregullave të qarkullimit rrugor” dhe “Largim nga vendi i ngjarjes.” Sosnews.al
