Me afrimin e stinës së verës strukturat me uniformë të policisë së shtetit ju nevojiten uniforma të tjera.
Me datën 16 prill Ministria e Brendshmë rishpalli tenderat e shumë debatuar të unifromave të reja të për Policinë e Shtetit si nevojë emergjente momentalisht vetëm për uniformat verore.
Dy tenderat kapin vlerën e rreth 300 milion lekëvë të reja me tvsh(tenderi i parë në vlerën e 190 milion lekëve pa tvsh ,tenderi i dytë në vlerën e 57 milion lekëvë pa tvsh)
Afati për dorëzimin dhe vlerësimin e ofertave është caktuar data 7 Maj. Ndërsa Për blerjen e këpucëve është caktuar afati 30 ditë pas lidhjes së kontratës ndërsa për konfeksionet është caktuar një afat 45 ditorë.
Pikërisht afati i fundit ka hasur në ankesat e operatorëve ekonomik që operojnë në prodhimin e konfeksioneve të cilat duan të marrin pjesë në garë.
Sipas të dhënave nga Ministria e Brendshme, që pas publikimit të prokurimit me procedurë të hapur janë adresuar disa ankesa nga subjektet private.
Sipas njërit prej subjekteve i cili u prononcua për sosnews në kushte anonimati specifikimet teknike dhe afatet kohore të vendosura në këtë prokurimin janë tërësisht të njëanshme duke i hapur rrugë favorizimit të një subjekti të paracaktuar për tu kualifikuar si fitues.
Afati i vendosur sipas operatorëve është i pamjaftueshëm pasi 45 ditë është afati maksimal për të siguruar lëndën e parë nga prodhuesit jashtë vendit për shkak të specifikave për konfeksionet që ka vendosur Ministria e Brendshme. Shto këtu sipas tyre dhe afatet e transporti përgatitjes së modeleve dhe dorëzimit sipas tyre duhet të paktën rreth 3 muaj për të dorëzuar uniformat e sakta.
Ministria e Brendshme nuk ka pranuar të bëj komente rreth specifikimeve teknike apo afateve të dorëzimit të produkteve.
Prokuroria nisi një hetim në vitin 2016 për tenderin e uniformave të policisë në kohën kur Ministria e Brendshme drejtohej nga Saimir Tahiri ndërsa , vetë Mi-nistria i dorëzojë Prokurorisë në atë kohë një raport me shkeljet e gjetura nga tenderi i fituar nga Kompania ““Marsi&Al”.
Cilësia e dobët e mallit dhe mos dorëzimi në kohë i uniformave të trumbetuara në atë kohë si histori suksesi detyrojë Ministrinë e Brendshme dhe Policinë e Shtetit të ndërpriste në mënyrë të njëanshme kontratën me kompaninë private. Një zgjidhje emergjente u gjet me donacionin që bëri qeveria turke për pajisjien me uniformë të efektivë të policisë së shtetit.
Që prej asaj kohe tre tendera për uniformat e reja u anulluan për shkelje të cilat u evidentuan nga drejtuesit e rinj të Ministrisë së Brendshme në vitin 2017 dhe situata vijon të jetë kaotike dhe pazgjidhje për shkak të ankesave dhe ndaj tenderit të fundit të publikuar gjatë muajt Prill.
