Policia e Burrelit zbardhi ngjarjen e një nate më parë ku mbeti i plagosur një person. Sipas uniformave blu 2 të rinj u arrestuan ndërsa 5 të tjerë u shpallën në kërkim.
Gjatë kontrolleve në banesat e tyre policia gjeti dhe hashash kapsolla detonatori dhe fitil përcjellës.Konflikti mes dy grupeve ndodhi në lagjen Partizani ndërsa në sherr e sipër u përdorën dhe armë të cilat lanë të plagosur Aldo (Akil) Dedja, 33 vjeç, banues në Burrel (i cili ndodhet jashtë rrezikut për jetën).
Në vendngjarje policia sekuestroi 7 gëzhoja pistolete ndërsa i plagosuri u arrestua nga policia pasi nuk pranoi të kallëzojë krimin.Gjithashtu në pranga ra dhe Astrit Suçi, 54 vjeç, banues në Burrel.
Arrestimi i tij u bë pasi, gjatë kontrollit të ushtruar nga shërbimet e policisë Mat, në një ambjent në pronësi të tij është gjetur një sasi prej 140 gramë lëndë bimore e dyshuar canabis sattiva, 1 kapsollë detonatore dhe 100 cm fitil zjarr përcjellës./sosnews
